Profesor de reforzo para materias de ciencias sociais, filosofía, música e linguas na ESO e Bacharelato

Son un graduado en Historia cuxa vocación é a ensinanza, polo que conto tamén co máster de profesorado. Na actualidade compaxino a preparación das oposicións para profesorado de secundaria coa docencia en clases particulares e en escolas de música (como profesor de violonchelo).

A educación é para min un diálogo no que profesor e alumnado forman parte dun proceso común de enriquecemento e aprendizaxe. Por isto se atopas dificultades con algunha das materias de ciencias sociais, filosófía, música ou linguas na ESO e bacharelato, aquí atoparás unha maneira de desbloquealas de forma amena e a través de recursos de todo tipo, xa que a clave da ensinanza é a utilización de estratexias diferentes nas que o alumnado participe de forma activa. A través deste enfoque metodolóxico tentaremos resolver esas dificultades e dotar ó alumno de ferramentas e técnicas para desenvolver unha aprendizaxe autónoma. De xeito que o enfoque destas clases dependerá das necesidades, dos intereses e das potencialidades de cada un dos alumnos, pois é a única de maneira de lograr unha aprendizaxe significativa das materias impartidas nos colexios e institutos. Esta flexibilidade tamén se trasladará ó formato das sesións, presenciais ou telemáticas, aínda que as primeiras presentan máis garantías para acadar os obxectivos xa referidos.

Estas clases particulares están dirixidas a alumnos de ESO e bacharelato, para as materias de ciencias sociais (Xeografía e Historia, Historia do Mundo Contemporáneo, Historia de España, Xeografía, Historia da Arte e Cultura Clásica), Filosofía, Música (conto con formación como violonchelista) e Linguas, tanto as propias como o inglés. Para este último conto cun B2 de Cambridge (First) e cunha ampla inmersión en contextos angloparlantes.

Vivo en Santiago e podo trasladarme en coche a calquera punto da comarca de Santiago e das limítrofes con ela. Se estás interesado en recibir clases, non dubides en contactarme. Un saúdo!