Graduada en filoloxía inglesa con Máster en Educación Secundaria da clases de inglés. Primaria e Secundaria (Tui e arredores)

A metodoloxía vai depender do/a alumno/a, adáptome ao seu ritmo e a súa maneira de aprender: clases máis dirixidas e exercicios máis tradicionais ou clases máis dinámicas e participativas, clases completamente en inglés ou alternando inglés e galego/castelán, etc.
Non obstante, eu persoalmente sempre aposto por unha clase activa con moita expresión oral centrada no enfoque comunicativo principalmente (materiais audiovisuais, materiais reais, periódicos, libros, etc.). Considero que cometer erros é a mellor forma de aprender e esa vai ser a miña filosofía durante as clases, crear un espazo seguro e cómodo no que o alumno poida expresarse e aprender libremente.
A primeira clase é gratuita para que poidas asegurarte de que estás cómodo/a comigo e coa miña maneira de explicar. Así, empregaremos esta primeira hora para coñecernos un pouco e falar dos teus gustos persoais para que así poida adaptar as clases a ti, crear materiais adaptados aos teus gustos etc.