Marco Casal Lustres

Imparto clases para nenas e nenos coa vocación de proporcionarlles as habilidades básicas que van necesitar ao longo da súa vida académica e diaria.

Ademais do reforzo xeral e particular que cada alumno precise, trato de deseñar sesións dinámicas nas que entran en funcionamento diversas destrezas (redacción, expresión oral, lectura comprensiva, dedución...) co fin de fortalecer neles a versatilidade, a capacidade de dirixir a súa atención e a dispoñibilidade inmediata das súas ferramentas cognitivas.

Organizo as clases á medida de cadaquén e busco axudalos a mellorar tanto na súa traxectoria escolar como na súa confianza persoal.