Clases Historia de España, H da Arte, Xeografía e Lingua Galega para ABAU e Bacharelato

Teño máis de dous anos de experiencia con alumnado de tódolos cursos de secundaria e bacharelato nas diferentes materias.
Na preparación de probas ABAU e 2º de Bacharelato especialízome nas materias de Historia de España, Historia da Arte , Xeografía e Lingua Galega de Bacharelato. O obxectivo principal, ademais de apoiar no estudo dos contidos, é que os alumnos poidan sacar partido da súa potencialidade e optimizar o traballo nun curso que require de "seleccionar as batallas".

Pretendo axudar ao desenvolvemento de habilidades de autoaprendizaxe e xestión do tempo de estudo por parte dos alumnos e alumnas, adaptándome ás necesidades de cada un.
Esta experiencia permitiume sensibilizarme coas dificultades do alumnado á hora de asimilar os contidos e desenvolver diferentes estratexias de aprendizaxe que se adapten tanto ás súas carencias como ás motivacións.
Polas mesmas características do alumnado das clases particulares, traballei con alumnados de diferentes necesidades de atención educativa, especialmente con Transtorno por Déficit de Atención e Hiperactividade.

Son graduada en Historia pola Universidade de Santiago de Compostela. Teño dous másters, un Máster de Investigación en Historia e un Máster de Docencia en Secundaria na Universidade de Santiago de Compostela.

Teño dispoñibilidade para desprazarme na comarca de Ferrolterra e tamén podo dar clases online.