Son unha persoa dedicada que busca crear un ambiente de aprendizaxe acolledor e motivador. Clases dirixidas a primaria, ESO e BACH

As miñas clases estarán organizadas de forma clara e estruturada, comezando sempre cunha introdución do tema para que o alumnado saiba o que imos traballar. Empregarei explicacións sinxelas acompañadas de exemplos prácticos, apoiándome en recursos visuais, xogos e actividades dinámicas para facer a aprendizaxe máis atractiva. Promoverei a participación activa, creando espazos para que os alumnos poidan preguntar e traballar. Considero importante que non só memoricen contidos, senón que aprendan a reflexionar, relacionar ideas e aplicar o que estudan á vida cotiá. Ao final de cada clase farei un pequeno resumo dos puntos máis importantes e propoñerei tarefas ou retos sinxelos para reforzar a aprendizaxe. O meu obxectivo é que os alumnos se sintan motivados, respectados e acompañados no seu proceso de aprendizaxe.