Alba Sánchez Batalla

Mui buenes! Soi Alba, una maestra d'asturianu que trabaya na escuela pública impartiendo esta asignatura dende va años.

Soi Esperta en Filoloxía Asturiana col títulu algamáu en 2005, y tengo'l certificáu B2 en Llingua Asturiana na primer convocatoria del mesmu.

Nes mios clases vamos emplegar metodoloxíes actives que t'echen un gabitu pa desendolcar toles habilidaes nes que te van evaluar na prueba según el Marcu Común Européu de Referencia de les Llingües: comprensión y espresión escrita, comprensión y espresión oral y mediación.

Trabayaremos na primera parte de la preparación toos aquellos aspeutos a nivel gramatical, ortográfico y de palabreru necesarios pa tener unos bonos resultaos mes pruebes, asina como d'aspeutos socioculturales importantes nos que-mos parar. Y na segunda parte centrarémonos nos simulacros d'esame pa dir preparaos y preparaes correutamente.

Los grupos presenciales van ser de non más de 4 persones nun espaciu habilitáu pa la práutica de la enseñanza. Y los grupos online van ser de 6 persones a través de la plataforma Google Classroom. Nes dos opciones el tiempu de les clases van ser de 2 hores.

Vamos trabayar muncho en pareyes y en grupu con xeres dinámiques y perafayadices. Tamién emplegaremos el xuegu p'afitar los conteníos culturales asina como'l palabreru. Sicasí, tamién nos tocará facer fiches, lleer muncho, sintir muncho y falar más.

Anque ye la primera vegada que me decido a preparar esta prueba, llevo munchos años trabayando y enseñando asturianu y pienso que soi una gran profesional n'esti campu por que soi una apasionada de la mio llingua materna. Como diz Anabel Santiago: L'Asturianu ye mio patria.