Hugo Vallejo Misa

Ola!

Chámome Hugo, son de Ponteareas pero estou estudando 4º do Grao en Química na USC, aquí en Santiago de Compostela. Ofrezo clases particulares de Química, Física e Matemáticas para alumnado de ESO e Bacharelato, tanto para resolver dúbidas como para preparar exames importantes, incluíndo a ABAU.

Como estudante e exalumno de instituto, sei ben que estas materias ás veces resultan complicadas e que non sempre se entenden ao primeiro intento. Por iso, nas miñas clases trato de explicar todo de xeito claro, sinxelo e directo, adaptándome ao ritmo e ás necesidades de cada persoa. O meu obxectivo é que aprendas de verdade, sen só memorizar fórmulas, senón entendendo os conceptos para poder aplicalos con seguridade.

Gústame usar exemplos prácticos, trucos e exercicios que faciliten a comprensión e o estudo, sempre nun ambiente tranquilo e sen presións. Quero que te sintas cómodo/a para preguntar o que queiras e non teñas medo a equivocarte.

As clases poden ser presenciais en Santiago (a domicilio ou noutro lugar cómodo para ti) ou tamén online, segundo o que prefiras. Teño dispoñibilidade principalmente polas tardes e tamén nos fins de semana, e estou dispoñible para resolver dúbidas ou preguntas en calquera momento, aínda que non esteamos nunha clase formal. Para min é importante que te sintas acompañado/a durante todo o proceso de aprendizaxe.

Se queres mellorar nas materias científicas, preparar os teus exames con seguridade ou simplemente levar os estudos ao día, non dubides en contactar comigo. Estarei encantado de axudarche e acompañarte no teu camiño para que a ciencia deixe de ser un problema e se converta nunha ferramenta útil e interesante para ti.

— Hugo