Juan Arca Figueroa

Ola! Son graduado superior en guitarra clásica polo Real Conservatorio Superior de Música de Madrid e Mestrado en Profesorado de educación secundaria pola Universidade de Santiago de Compostela.
Imparto clases de guitarra a todos os niveis e estilos (clásico, pop, improvisación) e tamén linguaxe musical, iniciación musical, harmonía, composición...
Se buscas dar os teus primeiros pasos coa guitarra ou retomar o instrumento despois duns anos, clases de reforzo para os estudos do conservatorio ou simplemente pasar un bo anaco gozando do pracer de facer música, eu son a persoa axeitada.
Considero que a motivación é o elemento máis importante para a aprendizaxe, polo que busco sempre conectar cos meus alumnos e alumnas partindo da música que escoitan no día a día e adaptándome ós seus gustos, de maneira que as clases sexan lúdicas e amenas. Hai tantos métodos de ensino distintos como alumnos, pero as miñas clases sempre teñen en común a intención de desenvolver a musicalidade dos alumnos de maneira íntegra e natural dando prioridade ó desenvolvemento do oído e o cultivo da intuición musical.