Lucía García

Son Lucía, graduada en Historia na Universidade de Santiago de Compostela. Son unha apaixoada da Historia, de sempre, pero en xeral da cultura, das Humanidades e Ciencias Sociais. E isto condicionou os meus estudos ou o meu tempo de lecer. Desde xeito, brindo apoio escolar, pero non só iso, senón que busco achegar aos alumnos e alumnas ás materias que, tan frecuentemente se resisten. Para elo, insisto especialmente nos métodos de estudo, baseándome na miña propia experiencia académica, considerando que son esenciais para lograr o aprobado a longo prazo.

Conto con niveis intermedios en Inglés e Italiano, actualmente estudando para o exame C1 de ambos, xunto cas miñas linguas maternas, o galego e castelán. Á súa vez, atópome estudando un mestrado de Xestión de Arquivos e Continuidade Dixital, así como tamén exerzo como profesora de pandeireta nunha asociación folclórica, da cal son membra activa dende hai 17 anos.

Así, conto cunha experiencia de 6 anos con crianzas e adolescentes nas aulas de pandeireta. No tocante ao reforzo escolar, teño experiencia ca preparación de exames e traballos de Historia de 3º curso de Ensinanza Secundaria. Tamén ofrecín apoio e repaso xeral das materias a alumnos de 5º e 6º curso de Primaria e de maneira máis puntual, brindei apoio de Español para estudantes de Scuola Media e Superiore durante o meu Erasmus en Italia.

Actualmente, como xa comentei, continúo a miña formación, tanto co mestrado coma cos idiomas. Por elo, busco compaxinar os meus estudos cas aulas de reforzo escolar, e así brindar apoio a outros estudantes que, coma min, se están a formar, e que precisen de axuda.