Clases particulares de Física e Química

Teño 23 anos. Son Graduada en Química e acabo de rematar o Mestrado de Formación do Profesorado.

Ofrezo clases particulares de Física e Química con actividades e metodoloxías adaptadas aos intereses e necesidades de cada alumno. Busco que os conceptos traballados teñan sentido no seu día a día e que non lles resulten alleos ou abstractos.

Teño moita paciencia e encóntrome especialmente cómoda traballando con alumnos que se senten desmotivados ou desconectados.

Ofrezo clases particulares dende 2.° a 4.° ESO, con especial atención a este último curso porque será o nivel no que estruture a miña programación didáctica para as oposicións docentes.

Tamén podería apoiar a alumnado de Bacharelato, aínda que, a día de hoxe, o perfil co que máis me apetece traballar é o que se adoita atopar en maior medida na ESO.