Raquel Álvarez Pérez

Son Licenciada en Humanidades e conto co Máster de Profesorado, ademais dunha ampla experiencia docente. Levo máis de dez anos impartindo clases de galego, especialmente a persoas adultas que precisan mellorar o seu nivel por motivos académicos, profesionais ou persoais.

Ofrezo clases particulares de galego adaptadas ás necesidades e obxectivos de cada alumno ou alumna, tanto para persoas que xa teñen coñecementos previos como para aquelas que parten dun nivel cero e queren aprender galego desde o principio.

Preparo especificamente para as probas de CELGA, os exames da Escola Oficial de Idiomas (EOI) e as probas de galego incluídas en diferentes procesos de oposición.

As clases teñen un enfoque práctico e personalizado. Traballaremos todas as competencias necesarias: comprensión oral e escrita, expresión oral, expresión escrita, gramática, vocabulario, ortografía e mediación, prestando especial atención ás dificultades concretas de cada persoa.

No caso da preparación de exames, empregaremos modelos de probas similares aos oficiais, exercicios prácticos e simulacros, para coñecer ben a estrutura do exame, aprender a xestionar o tempo e familiarizarse co tipo de tarefas que se poden atopar.

Se partes de cero, avanzaremos de maneira progresiva, asentando primeiro as bases da lingua e incorporando pouco a pouco vocabulario, estruturas gramaticais e expresión oral para que poidas comunicarte en galego con seguridade e autonomía.

O meu obxectivo é ofrecer clases claras, dinámicas e útiles, cun plan de traballo adaptado ao nivel, á dispoñibilidade e aos obxectivos de cada alumno. Tamén proporciono materiais de apoio, exercicios complementarios e orientación individual para reforzar a aprendizaxe e favorecer unha evolución constante entre as clases.