Lara Fernández

Son graduada en filoloxía inglesa con minor en estudos lusófonos pola Universidade de Santiago de Compostela. Ademais, tamén teño o Máster en Formación do Profesorado de Educación Secundaria, tamén pola USC.
No que respecta á miña experiencia non é especialmente ampla, xa que estou comezando neste mundo da educación pero din clases a alumnos de 4º da ESO, 1º de Bacharelato e 5º de primaria e estou desexando continuar ensinando e aprendendo de todos/as e cada un/a dos/as meus/miñas alumnos/as. Finalmente, vivín en Inglaterra durante 3 meses traballando de aupair e coidando de dous nenos de 3 e 6 anos.
A metodoloxía vai depender do/a alumno/a, adáptome ao seu ritmo e a súa maneira de aprender: clases máis dirixidas e exercicios máis tradicionais ou clases máis dinámicas e participativas, clases completamente en inglés ou alternando inglés e galego/castelán, etc.
Non obstante, eu persoalmente sempre aposto por unha clase activa con moita expresión oral centrada no enfoque comunicativo principalmente (materiais audiovisuais, materiais reais, periódicos, libros, etc.). Considero que cometer erros é a mellor forma de aprender e esa vai ser a miña filosofía durante as clases, crear un espazo seguro e cómodo no que o alumno poida expresarse e aprender libremente.
A primeira clase é gratuita para que poidas asegurarte de que estás cómodo/a comigo e coa miña maneira de explicar.