Manuel Fernández García

A docencia foi sempre un obxectivo profesional e vocacional, unha forma de entregar algo de volta á sociedade. Ó longo da miña formación fun aprendendo que a educación é un proceso compartido por profesor e alumno para o enriquecemento mutuo, ambos teñen que participar de forma activa. Para lograr isto as miñas clases baséanse no emprego de diversas metodoloxías, en función da materia e das necesidades, co obxectivo de que o alumno se achegue ós contidos a tratar dende diferentes puntos de vista. Polo tanto recorrerase á explicación, a proxección de vídeos educativos ou a contidos culturais para a introdución ou reforzo de conceptos e ideas, aplicándoos a través de exercicios e xogos nos que se poñan en práctica de forma autónoma, fuxindo de respostas mecánicas. Así, a clase será máis amena e dinámica, e contaremos con maiores posibilidades de lograr unha aprendizaxe significativa. Por iso, tentaremos achegar as ciencias sociais, as linguas, a música ou a filosofía (dependendo do que precise cada persoa) a través de referencias e exemplos próximos á súa realidade e os seus intereses, pois este é o único xeito de conseguir unha conexión efectiva coas materias impartidas nos colexios e institutos.

Todas estas metodoloxías e enfoques están dirixidos a desbloquear as dificultades que os alumnos poidan ter nalgunha (ou en varias) das materias referidas, así como a estimular o seu interese e motivación por elas.