María

Chámome María, teño 26 anos e son de Pontevedra, aínda que actualmente estou vivindo en Santiago. Gradueime en Filoloxía Galega na Universidade de Vigo e posteriormente cursei o Mestrado de Profesorado na Universidade de Santiago de Compostela.

Levo varios anos impartindo clases particulares, tanto de materiais de ciencias como de humanidades pois, aínda que estudei filoloxía, cursei o bacharelato de Ciencias con moi bos resultados e desenvólvome amplamente nos dous ámbitos. Tamén teño experiencia preparando exames de CELGA 4 de galego e un nivel de inglés alto (certificado C1 EOI).

Considérome unha persoa responsable, organizada e comprometida. Á hora de empezar a traballar, para min é importante coñecer ben o alumno/a e as súas necesidades. Cada clase é é personalizada en función dos seus obxectivos ou dificultades. Gústame achegar recursos propios e introduzo dinámicas que contribúan a implicar ao alumno/a no estudo.

A miña experiencia como profesora particular compleméntase coa miña formación no máster de profesorado. Este máster permitiume mellorar as miñas capacidades pedagóxicas e traballar man a man con grandes grupos de alumnos nun centro público. Considero importante esta conexión coa realidade máis inmediata do meu alumnado potencial, pois isto permíteme entender as súas dinámicas de traballos, as necesidades ou mesmo as carencias que poden darse na aula.

Para calquera cuestión non dubidedes en contactar comigo. Eu estarei encantada de coñecervos e falar con vós para saber que é o que precisades e como podemos organizar para adaptarme mellor ás vosas necesidades. Sexan cales sexan os vosos obxectivos (mellorar nunha materia, apoio no traballo diario, aprobar un exame...), estou segura de que podemos traballar xuntas para facelos realidade.