Sofía Gutiérrez Pereira

Boas a todxs!

Chámome Sofía, teño 26 anos e estou vivindo en Santiago de Compostela. Son graduada en Educación Primaria, teño un Máster en Igualdade e nestes momentos estou cursando un ciclo superior de Integración Social a distancia. Por outra banda, atópome en pleno desenvolvemento dun proxecto persoal de traballo co que me gustaría poder compaxinar o traballo de dar clases particulares.

Teño experiencia de varios anos impartindo clases particulares a persoas de entre 8 e 16 anos en diversas materias tanto de Educación Primaria como de Secundaria (matemáticas, inglés, lingua galega, lingua castelá...), polo que adaptarme a diferentes ritmos de traballo e metodoloxías de aprendizaxe sempre é un reto ao que me gusta enfrontarme.
En canto á dinámica das clases, considero fundamental coñecer a cada persoa e saber cales son as súas inquedanzas e/ou necesidades principais. Por iso, o bo trato, a escoita e a empatía son tamén características que non quero deixar de lado.

En canto á metodoloxía, neste momento utilizo principalmente o formato de clases online tendo en conta a situación de pandemia que estamos a vivir, pero podo adaptarme a un formato presencial no caso de ser necesario.

Aínda que aposto principalmente por un formato de seguimento e de continuidade das clases (xa que considero que é a mellor maneira de obter resultados óptimos), podedes contactarme tamén se precisades acompañamento puntual para algún exame ou proba que teñades que realizar.

Sen máis enredos, se tedes calquera dúbida ou queredes máis información, non dubidedes en contactarme :)

Saúdos.

Sofía